Es sinn emool e baar Verruggty gsi, wo sich 1974 zem Fasnacht mache zämmegschlosse hänn.
1979 sinn am en andere Ändi vo dr Stadt e baar dr Alte Richtig entkoo und hän als Uffschnuffer uffgschnuufft.
Ab 1992 hänn Verruggti und Uffschnuffer in wilder Ee gläbt.
Im Joor 2002 het denn e groossi Hochzyt stattgfunde. Yyglaade gsi sinn au d Sei und ainzelni Kuttlebutzer.
2004 het d Verbindig e Namme griegt und isch Echo vom Gämsbärg dauft worde.
Im 2008 isch s Echo dur Pfyferinne vo de Gläbbstraife und zwai Joor speeter durch neyi Vordrääbler versterggt worde.
Im Joor 2011 schliesslig sinn grad acht neyi Pfyfferinne und Pfyffer zuen ys gstoosse, die maischte vo de Ebbe he.